| ► | فبراير 2012 | ◄ | ||||
| سبت | أحد | إثنين | ثلاثاء | أربعاء | خميس | جمعة |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | ||
الحقينى
الحقى اللى باقى منى
بطلى طبع الطناش
واحسبيها
شوفى مين فينا اللى يخسر
لو ح أسيبك وتسبينى
قالوا عنك يا قالوا
ضلة الملهوف وأمن لكل خايف
لما صدقتك ما نابنى إلا مصمصة الشفافيف
خلى بالك
طول مافيه بينا مسافة
المكرش واللى ح يموت م النحافة
لو ندهتى
قلبى مش ح يدق ليكى
لو وقعتى مش أسمى الله عليكى
ولو فى حزنك ح أشارك
طول ما يوم فرحك ما بتسعنيش ديارك
إنتى إيه .. قلبك حجر
حضنك المفتوح تمللى للى خانك
ولا تمـوتى
وعيزانى أقول يا آمه
كما قبل كتير ساءوا لكلمة يامه قالوها لك
وأنده من ورا قلبى وأقول يا حبيتى يا بلدى
وأحبك ليه
حبيبتى .. يعنى ساندانى
ولو ف الشدة سترانى
وأنا دمى اللى رخصته كتير علشان م يحميكى
رخص بيكى
صبح يتباع هنا وهناك كده ف النور وف الضلمه
عشان لقمه
وعيزانى أقول يامه
دروب الرزق مفتوحة وبحبوحة على الواسع
ورب الرزق
ما فرق ما بين عاصى وبين طايع
وقال اسعى
وأنا اللى سعيت
لغاية السعى ما استكفى
بقيت ماشى ف وسط الناس لا أنا شايف وباتكفى
بإيد ممدودة بشهادة عليها الختم والجودة
وإيد تانيه
بتتشمر وبتدور على رغيفها
ألاقيكى تحطى شروط
لا عاجبك ربنا يرحم
ولا عارفه طريق رحمه
وعيزانى أقول يامه
وأمى اللى بتتعبلى وتشقى كتير عشان أرتاح
ولو نبعد ، تعيش شوقنا
ولو ننزل ف بحر الكون تكون مجدافنا وشراعنا
وتحكم
فى ميزان قوتنا
بإيدها اللى ما تعرف ميل
ولا تخلى كبير فينا ولا صغير
يقول إزاى ولا اشمعنا
وأنا اللى عشت أحب الناس
كما كنتى توصينى
وقلت ألم وأجمع
ألاقيكى تقولى إرجع
بقيتى تخافى م اللمة
وعيزانى أقول يامه
نسيتى يوم ما قولتيلى ولا تخللى خضار عطشان
عشان خاطرك
رويت وردك وعليقك
لا قلت الورد كان أولى
ولا العليق مالوش لازمه
وآخرتها
بتسقينى جحود قلبك
دا أنا إبنك
أنا الشقيان
وعايش عمرى بأتمنى وبأستنى الفرج بكره
لا طول صبرى
ولا الحرمان بيشفعلى
ولا بكره سامعله آدان
يزيل الهم والغمه
وعيزانى أقول يامه
نسيتى إن أنتى قولتى زمان
ولا بيخاف من الكيال غير اللى كيله كان ناقص
أشوفك فى العيون ناقصه
يعز عليا نقصانك
وبتخافى لأيد على إيد تزود حرقة القرصة
دى قرصة جوع
بتقرص حتى فى الممنوع
تخلى العقل
ينسى الكل وكليله
ح يعمل إيه .. معاكى احتاس
لا عارف صبحه من ليله ولا شايفله فيكى خلاص
خلاص البطن بين قلبى وبين قلبك صبح مقطوع
وأنا اللى عشت ع الإخلاص
كما إنتى فطمتينى
وإنتى اللى نسيتينى
ماعاد همك غير إن عمرى ليكى يطول
وأفضل لابس العمة
وعيزانى أقول يامه
وحلةة انتى
وعشاقك كتير يتعدوا بالملايين
وانا عاشق
ترابك سر تكوينى
وزرعلك بهجة ف عيونى
ونيلك زاد شرايينى
وأنا عاشق
لبسمة نسمة صباحى بتحييكى وتحيينى
وهمسة ناعسة نعسانة تصحيينى
بما فيها
ومن فيها .. وإلا أنت
واشوف فيها اللى ما يشوفه
جريح غيرى
وما اهتمش
ولا احسش
ولا اشمش جفاك انت يا زادى
وكل زوادى
ف يوم ما كفرت باولادى
لو نشوفها الصبح
بنشوف يومنا كله
جنه صافيه
الشتايل فيها حب
والشجر
طرحه لقمة ود بتلم الحبايب
اللي حاضر واللي غايب
اللي حاضر يومه غنوه
واللي غايب سيرته حلوه
وكلنا نيتنا صافيه
ضحكه صافيه
لو……
ولكن ……
لو دى حرف الشعبطه
* * *
ضحكه صافيه
كات زمان
ضحكه ما شافهاش وليدى
واتمحت من يوم حفيدى
ضحكة صوتها
تاه على باب الودان
بعد ما كان صوت يجلجل
جاى من القلب اللى بيقول للحناجر
إعلنيها
خللى كل الدنيا تسمع
خللى كل الناس تروق
( 2 )
م اللخبطة
ضحه صافيه
لو ……
ولكن ……
لو دى حرف الشعبطه
